1SJhe / das hat alles mein auge gesehen / vnd mein ohre gehöret / vnd habs verstanden.2Was jr wisset / das weis ich auch / vnd bin nicht geringer denn jr.(Hiob 12.14)3Doch wolt ich gern wider den Allmechtigen reden / vnd wolt gern mit Gott rechten.4Denn jr deutets felschlich / vnd seid alle vnnütze Ertzte.5Wolt Gott jr schwiget / so würdet jr weise.(Sprüche 17.28)6Höret doch meine straffe / vnd merckt auff die sache dauon ich rede.7Wolt jr Gott verteidigen mit vnrecht / vnd fur jn lisst brauchen?8Wolt jr seine Person ansehen? Wolt jr Gott vertretten?9Wirds euch auch wolgehen / wenn er euch richten wird? Meinet jr / das jr jn teuschen werdet / wie man einen Menschen teuschet?10Er wird euch straffen / wo jr Person ansehet heimlich.11Wird er euch nicht erschrecken / wenn er sich wird erfür thun? vnd seine furcht wird vber euch fallen.12Ewer Gedechtnis wird vergleicht werden der asschen / vnd ewer Rücke wird wie ein leimen hauffen sein.13SChweiget mir / das ich rede / es sol mir nichts feilen.14Was sol ich mein fleisch mit meinen Zeenen beissenDas ist / Was sol ich mich viel casteien vnd mir wehthun / So ich doch sterben mus / vnd hilfft mich nicht. Jtem / meine seele in die hende legen / das ist / viel wogen vnd in fahr geben. / vnd meine Seele in meine Hende legen?15Sihe / er wird mich doch erwürgen / vnd ich kans nicht erwarten / Doch wil ich meine wege fur jm straffen.16Er wird ja mein Heil sein / Denn es kompt kein Heuchler fur jn.17Höret meine rede / vnd meine auslegung fur ewrn ohren.18Sihe / ich habe das vrteil schon gefellet / Jch weis / das ich werde gerecht sein.19Wer ist der mit mir rechten wil? Aber nu mus ich schweigen vnd verderben.20ZWeyerley thu mir nur nicht / so wil ich mich fur dir nicht verbergen.21Las deine Hand ferne von mir sein / vnd dein schrecken erschrecke mich nicht.(Hiob 9.34)22Ruffe mir / ich wil dir antworten / Oder ich wil reden / antworte du mir.23Wie viel ist meiner missethat vnd sünden? Las mich wissen meine vbertrettung vnd sünde.24Warumb verbirgestu dein Andlitz / vnd heltest mich fur deinen Feind?(Hiob 19.11)25Wiltu wider ein fliegend Blat so ernst sein / vnd ein dürren Halm verfolgen?26Denn du schreibest mir an betrübtnis / vnd wilt mich vmbbringen vmb der sünde willen meiner Jugent.(Psalm 25.7)27Du hast meinen fus in stock gelegt / vnd hast acht auff alle meine pfadte / vnd sihest auff die fusstapffen meiner füsse.28Der ich doch wie ein faul Ass vergehe / vnd wie ein Kleid das die Motten fressen.
1DA antwortet Hiob / vnd sprach /2Ja jr seid die Leute / mit euch wird die weisheit sterben.3Jch hab so wol ein hertz als jr / vnd bin nicht geringer denn jr / Vnd wer ist / der solchs nicht wisse?4Wer von seinem Nehesten verlachet wird / der wird Gott anruffen / der wird jn erhören / Der gerechte vnd frome mus verlachet sein.5Vnd ist ein verachtet LiechtlinJd est / Glommend tocht. fur den gedancken der Stoltzen / stehet aber das sie sich dran ergern.6Der Verstörer hütten haben die fülle / vnd toben wider Gott thürstiglich / wiewol es jnen Gott in jre hende gegeben hat.7FRage doch das Vieh / das wird dichs leren / vnd die Vogel vnter dem Himel / die werden dirs sagen.8Oder rede mit der Erden / die wird dichs leren / vnd die fisch im meer werden dirs erzelen.9Wer weis solchs alles nicht / das des HERRN Hand das gemacht hat?10Das in seiner Hand ist die Seele alles des da lebet / vnd der Geist alles fleischs eins jglichen?(4. Mose 16.22)11Prüfet nicht das ohre die rede? vnd der mund schmeckt die speise?12Ja bey den Grosuetern ist die weisheitDas ist / Jr saget weisheit sey bey den Grosuetern. Jch sage aber sie sey bey Gott / welcher allein aller Könige / Priester / Richter / gewalt / kunst / heiligkeit zu nicht macht. / vnd der verstand bey den Alten.(Hiob 8.8)13Bey jm ist weisheit vnd gewalt / rat vnd verstand.14Sihe / wenn er zubricht / so hilfft kein bawen. Wenn er jemand verschleusst / kan niemand auffmachen.15Sihe / wenn er das wasser verschleusst / So wirds alles dürre / Vnd wenn ers auslesset / So keret es das Land vmb.(1. Mose 7.19-23)(1. Könige 17.1)(1. Könige 17.7)16Er ist starck vnd fürets aus / Sein ist der da jrret / vnd der da verfüret.17ER füret die Klugen wie ein raub / vnd macht die Richter toll.18Er löset auff der Könige zwang / Vnd gürtet mit einem gürtel jre Lenden.19Er füret die Priester wie ein raub / Vnd lessts feilen den Fessten.20Er wendet weg die lippen der Warhafftigen / vnd nimpt weg die sitten der Alten.21Er schüttet verachtung auff die Fürsten / vnd macht den bund der Gewaltigen los.22Er öffenet die finstern gründe / vnd bringt er aus das tunckel an das liecht.23Er macht etlich zum grossen Volck / vnd bringet sie wider vmb. Er breitet ein Volck aus / vnd treibts wider weg.24Er nimpt weg den mut der Obersten des Volcks im Lande / vnd macht sie jrre auff eim vnwege / da kein weg ist.25Das sie die finsternis tappen on liecht / vnd macht sie jrre / wie die Trunckene.(Hiob 5.14)